Kammergesellschaft Wohlen seit 1830

Kammersänger 2026
v. l. n. r.
Markus Weber
Ruedi Donat
Andi Bächer
Wife Geissmann
Urs Häfliger (abwesend)
1.
Z`Wohle gohts …. nid nur politisch
strub zue und här …. all sind so kritisch
wo`s chlämmt chasch hüür …. am Umzug g`seh
Schuelhüüser, Chindsgi …. kei Chole me
da Kaff isch …. usser Rand und Band
nid nur a de Fasnacht …. es Wonderland

2.

A de Chreisschuel obe …. uf em Mutschälle
g`hörsch jetz eine …. met ere lutte Gälle
als Chef well er det …. für Ornig sorge
da miechid mer no …. vor em Z`morge
de Andi Glarner …. mer händ bedänke
und fordered .… s`Alter seig z`beschränke
und als Vorbild …. für en tolli Jugend
wär au Aastand .… e gueti Tugend

3.

Im Unterricht …. verzellids de Chind
wo mer s`Geld …. am enschte findt
tüends jo nid ….. im Chüelschrank versorge
ehr schtunid suscht .… am Jugendfäscht-Morge
alles furt …. s`het so müesse choo
zum Glück kei Schade .… es zahlts d`Hagewo
die sind jo froh …. chönts öppis zahle
mit neue Idee`e .… tüends gar ned prahle
mer hoffid druf …. da isch esoo
2050 … e Gwerb-Usstellig …. Hagewo

4.

De neu G`meindrot …. de hed au scho taged
er weiss a was …. mer Wohler g`naged
ned emol für d`Fasnacht …. wänds öpis mache
und da esch de …. gar ned zum Lache
im Dorf herrscht …. grosses Lichterlösche
quaggid die foif …. Glögglifrösche

5.

Uf guetem Wäg …. seig das Projekt
di alt Hütte …. keis schützenswärts Objekt
s`Tschiemerhus …. söll jetz verschwinde
für de Raiffise-Tämpel …. wo au Kultur söll stattfinde
i de Bleichi …. und im Sternesaal
gits scho Kultur vom Feinschte …. so genial
ned abrisse seid plötzli …. Schöner Wohle
und zeigt wie mer bi ois …. cha d`Lüet versohle
mer behauptid …. Gott sei Dank
die zwee hockid nie …. uf de gliiche Bank

6.

Heisst ned Schmid …. fod aa mit Breit
de bescht Läserbriefschrieber .… hed eine g`seid
en Iwohnerrot …. mit unändlecher Glatze
z`Istanbul streunid …. zähtuusig Chatze
mit de Chatz …. uf sim Wahl-Plakat
suecht er …. s`SVP – Diktat
unverwüeschtlech …. för i Gmeindrot z`alt
mer glaubid de Maa …. esch dureknallt
ganz erstuunt …. müend mer jetzt feststelle
als bescht g`wählte Ihwohnerrot …. händ en d`Wohler welle

7.

Mer weis jo nüd …. si haltid sech bedeckt
isch es en Zahnarzt .… oder öppe en Architekt
isch er Beck …. oder Bänker
ehner fescht……..oder schlänker
treid er e Huet …. hed er e Ranze
oder chan er sogar …. ganz guet Tanze
mag er au …. en G`schpass verliide
oder isch er us de …. Blauchrüüz- Gilde
jetzt es esch doss …. vergässid s`Gseite
bigoscht en Dockter .… wott euis begleite
es esch für eus …. e rise Kracher
euse EK …. Orest de Gsundmacher

8.

Gmeindamme isch er .… und Polizischt
eine wo au no …. im Grossrot escht
no alli Mätsch .… vom Alessandro go luege
s`Vogte Kasse …. sprängt alli Fuege
au der Amme …. wott er im Näbenamt mache
mer erwartet …. er miech ned nur halbi Sache

9.

De Markus Keller …. unabhängig
hed müesse g`seh …. dass d`Stimme gar ned längid
z`Wohle günne …. als Villmerger esch rar
für eus Wohler …. esch da sunneklar
er g`fallt ois besser .… da isch kei Witz
als EK und hüür …. uf em Ex-EK-Sitz

10.

Das Gaag vom Trump .… Amerika Förscht
euse Bundesrot reagiert .… wie chlini Würscht
Grönland wott er …. anektiere
d`Zöll in Europa …. durestiere
Goldbare .. Rolex …. Hayek- Uhre
bringt eusi Zollverhandlig …. uf neui Spure
drum stönd im Oval …. eusi Milliardäre
all tüend früntli …. d`Hosesäck lääre
doch es werd no …. vel vel schlemmer
de Trump de hofft …. ned für emmer
sis Sexläbe …. und das esch d`Höll
d`Melania verlangt …. neu Ifuerzöll

11.

De Umzug z`Wohle …. mit tuusige vo Lüüt
es riese Spektakel …. für de Härri esch da nüd
de Fasnachtsumzog …. de wird jetzt kürzt
wägem Repol Tschooli .… und sine Fürz
d`Regierig seit …. mer schnörrid ned dri
de Umzog isch …. jo eh schnell verbi
mer Fasnächtler gutierid …. ned das Gebare
und meinid de Härri …. sett abfahre

12.

D`Fuessball-WM …. i dem Johr
en Uusloosig …. du glaubsch da escht ned woor
de Infantino …. chrücht am Trump in Arsch
spöter denne …. do erfahrsch
en Friedenspriis .… heig er verdient
sich sälber …. a de Medallie bedient
sech emmer weder …. in Mettelpunkt stelle
da hed au …. de Infantino welle
de Arschchrüücher …. die zwe Narzischte
eigentli ghörid …. beid i d`Keschte
si ghöörid au .… i d Hall of Fame
det löösids de Arschchrüücher …. alli Problem

13.

Isebähnli, Eintracht …. de Chäber zue
Fäderal, Frohsinn …. scho ewigi Rueh
s`Buffet, d`Frohburg …. d`Schützestube
au de Salme …. isch nid blube
noch de Schönau …. au de Gotthard zue
mer chönd niene me hee …. blosid eus i d`Schue